ភ្នំពេញ : នៅរសៀលម៉ោង 14:00-15:00 ថ្ងៃទី៣០ ខែឧសភា ឆ្នាំ ២០២១នេះ ឯកឧត្តម ង៉ូវ បូរីណា អគ្គនាយករង រដ្ឋបាលកិច្ចការទូទៅ និងជាទីប្រឹក្សាក្រសួងទំនាក់ទំនង ជាមួយ រដ្ឋសភា ព្រឹទ្ធសភា និងអធិការកិច្ច បានចូលរួមប្រជុំជាមួយបណ្តាសមាជិករបស់ល្រុមហ៊ុននានា និង សមាជិក សមាជិកា នៃក្រុមហ៊ុន វ៉ុលថេន Volten ដែលជាក្រុមហ៊ុនដៃគូនាំចូលនូវ ផលិតផលសុខភាព ពីប្រទេសម៉ាឡេស៊ី ដូចជា កាហ្វេខ្ញីខ្មៅ VCafe ថ្នាំផលិតពីខ្ញីខ្មៅ Dr4 &Vr4 ដែលជា ឱសថព្យាបាល និងបំប៉នសុខភាព បំប៉នកម្លាំង ចំពោះអ្នកដែលមានបញ្ហាសុខភាព មិនប្រក្រតីផងដែរ ។

កិច្ចប្រជុំនេះផ្តោតសំខាន់បំផុតទៅលើកម្មវិធីអប់រំសុខភាព និងចែករំលែកចំណេះដឹងអំពីសារសំខាន់នៃរបបអាហារមានតុល្យភាព និងសារសំខាន់អាហារូបត្ថម្ភចំពោះដំណើរការមុខងារសរីរាង្គកាយមនុស្ស ជាពិសេសបញ្ជ្រាបនូវវិធានការការពារនិងទប់ស្កាត់ជំងឺមិនឆ្លង ដែលជាប្រភេទជំងឺកំពុង ពេញនិយម និងឆក់យកជីវិតមនុស្សជាច្រើន ព្រមទាំងបូមយកថវិកាមហាសាលពីអ្នកជំងឺ នាពេលបច្ចុប្បន្ននេះ ។