ព្រឹកថ្ងៃទី២២ ខែធ្នូ ឆ្នាំ២០២០នេះ ឯកឧត្តម ង៉ូវ បូរីណា អគ្គនាយករង រដ្ឋបាលកិច្ចការទូទៅ និងជាទីប្រឹក្សាក្រសួង លោក ស្រ៊ុន សារ៉ន អនុប្រធាន នាយកដ្ឋាន ហិរញ្ញវត្ថុ នៃក្រសួង ទំនាក់ទំនង ជាមួយ រដ្ឋសភា ព្រឹទ្ធសភា និងអធិការកិច្ច​បានចូលរួមសិក្ខាសាលាពិគ្រោះយោបល់ស្តីពីសេចក្តីព្រាងគោលការណ៍ណែនាំរួម ស្តីពីការគ្រប់គ្រងហិរញ្ញវត្ថុសាធារណៈ របស់រាជរដ្ឋាភិបាល តាមរយៈប្រព័ន្ធបញ្ចូនរូបភាព និងសម្លេងរៀបចំដោយក្រសួងសេដ្ឋកិច្ច និងហិរញ្ញវត្ថុ។ កិច្ចប្រជុំតាមរយៈប្រព័ន្ធបញ្ជូនរូបភាពនិងសម្លេង (Zoom)។

គោលបំណង ដើម្បីប្រមូលព័ត៌មាន និងធាតុចូលគន្លឹះៗ សម្រាប់ជាមូលដ្ឋានរឹងមាំក្នុងការរៀបចំគោលការណ៍ណែនាំរួមឱ្យបានគ្រប់ជ្រុងជ្រោយ, ស៊ីជម្រៅ និងមានវិសាលភាពគ្របដណ្តប់ លើវដ្តថិវិកាទាំងមូល ទាំងថ្នាក់ជាតិ និងថ្នាក់ក្រោមជាតិ៕