អាហារប៉ូវផ្លូវភេទ ១១មុខអាចបង្កើនសមត្ថភាពផ្លូវភេទ
អាហារប៉ូវ ដែលយើងមើលរំលង តែអាចមានប្រសិទ្ធភាពលើជីវិតស្រណុកស្រួលរបស់លោកអ្នក។ ដើម្បីបង្កើនសមត្ថភាពផ្លូវភេទរបស់លោកអ្នក សូមស្វែងយល់ពីអាហារមួយចំនួនដែលរួមចំណែកដល់សេចក្ដីសុខលើគ្រែ។
១. ស៊ុត
ស៊ុតឆៅហាក់ដូចជាបង្ហាញពីភាពសិចស៊ី ប៉ុន្ដែតាមការពិតស៊ុតឆៅក៏មានសមត្ថភាពបង្កើនកាមតម្រេករបស់អ្នក។ ភាពសម្បូរបែបនៅក្នុងវីតាមីន B5 និង B6 ស៊ុតក៏អាចធ្វើឲ្យមានតុល្យភាពរវាងកម្រិតអ័រម៉ូន និងការទប់ទល់នឹងអារម្មណ៍ស្រេ្តសផងដែរ។
២. ផ្លែប៉េងប៉ោះ
ផ្លែប៉េងប៉ោះអាចជួយទប់អារម្មណ៍ញាប់ញ័រមុនពេលប្រតិបត្ដិការ និងបង្កើនសមត្ថភាពគ្រប់គ្រងសាច់ដុំដែលធ្វើឲ្យមានអារម្មណ៍ធូរស្រាល និងបង្កើនអនុភាពល្អប្រសើរ។
៣. ផ្លែប៊ើ
វីតាមីន E ជួយរាងកាយអ្នកឲ្យបង្កើតអ័រម៉ូនជាច្រើន ដូចជា អ័រម៉ូនភេទរបស់បុរស អ័រម៉ូនឡើងខ្លួនរបស់ស្ដ្រី អ័រម៉ូនដំណើរមានរដូវ ដែលធ្វើចរាចរណ៍ក្នុងឈាម និងជួយបង្កើតអារម្មណ៍ផ្លូវភេទ។
៤. ខ្ទឹមស
ខ្ទឹមសអាចធានាក្នុងការពង្រឹងសមត្ថភាពផ្លូវភេទរបស់លោកអ្នកដែលមានអាលីស៊ីន ជាគ្រឿងផ្សំម្យ៉ាងដែលបង្កើនលំហូរឈាម និងពង្រីកសរសៃឈាម។ ប៉ុន្ដែ កុំភ្លេចជម្រះក្លិនខ្ទឹមមុនពេលថើបផង។
៥. ផ្កាខាត់ណាប្រូខូលី
ទាំងឆៅ ឆាត្រឡប់ ឬចម្អិនឆ្អិន បន្លែប្រភេទនេះផ្ទុកនូវវីតាមីន C ដ៏សម្បូរហូរហៀរ ដែលអាចជួយដល់ចលនាឈាមរត់ទៅកាន់ប្រដាប់ភេទ ហើយក៏ជួយដាស់អារម្មណ៍ភាគីសក់វែងផងដែរ។
៦. ផ្លែឪឡឹក
ឪឡឹកផ្ទុកជាតិស៊ីត្រាល់លីន (citrulline) ដែលជួយបង្កើនចំនួនអាស៊ីដនីទ្រីកអុកស៊ីតនៅក្នុងរាងកាយ។ នៅពេលកម្រិតនីទ្រីកអុកស៊ីតឡើងខ្ពស់ សរសៃឈាមបានសម្រាក និងមានដំណើរញាប់ ដែលបង្ហាញថា អ្នកនឹងកើតអារម្មណ៍ត្រេកត្រអាលក្នុងពេលឆាប់ៗនេះ។
៧. ផ្លែចេក
ផ្លែដែលតំណាងឲ្យអាវុធបុរសនេះមានផ្ទុកសារធាតុអង់ស៊ីមប្រូតេអ៊ីន bromelain ដែលគេជឿថាជួយអារម្មណ៍ផ្លូវភេទ និងទប់ទល់នឹងបញ្ហាលិង្គងាប់។ បន្ថែមពីនេះ ផ្លែចេកមានសារធាតុប៉ូតាស្យូម និងវីតាមីន B, B2 ដែលបង្កើនថាមពលឲ្យរាងកាយ។
៨. សូកូឡា
សូកូឡាខ្មៅមានសារធាតុជំនួយសរីរាង្គ phenylethylamine ដែលរួមចំណែកផលិតអារម្មណ៍ស្រឡាញ់។ លើសពីនេះ សូកូឡាខ្មៅមានសារធាតុប្រឆាំងនឹងជំងឺដ៏សម្បូរបែប ដែលមានអត្ថប្រយោជន៍ចំពោះរាងកាយ ខណៈពេលពួកវាជួយរក្សាប្រព័ន្ធស៊ាំនឹងមេរោគ។
៩. សាច់ក្រហម
សាច់ក្រហម (ជាពិសេសសត្វគោស៊ីស្មៅ) សម្បូរជាតិរ៉ែស័ង្កសី ជារបបអាហារបង្កើនកាមតម្រេកស្មើនឹងអយស្ទ័រដែរ។ ស័ង្កសីបង្កើនអ័រម៉ូនផ្លូវភេទបុរស និងគ្រប់គ្រងការផលិតនៃប្រូតេអ៊ីនសម្រាប់ផលិតទឹកដោះ ដែលអាចប៉ះពាល់ដល់មុខងារផ្លូវភេទ។
១០. ត្រីសាលម៉ុន
សារធាតុខ្លាញ់អូម៉េហ្គា៣ នៅក្នុងសាច់ត្រីសមុទ្រនេះមានអត្ថប្រយោជន៍ជួយបង្កើនចលនាឈាមរត់ក្នុងរាងកាយ ដែលសំខាន់សម្រាប់ចរន្ដឈាមរត់ទៅកាន់ប្រដាប់ភេទ។ ពួកវាក៏អាចបង្កើនអារម្មណ៍ស្រណុកស្រួលក្នុងខួរក្បាលដែលមានតួនាទីចម្បងមុនពេលវាយប្រយុទ្ធ។
១១. ខ្ញី
ស្ដេចហ៊េនរី ទី៧ និងជនជាតិអាស៊ីសម័យបុរាណមានភាពប៉ិនប្រសប់ក្នុងការប្រើមើមខ្ញីព្យាបាលជំងឺ។ នៅក្នុងសតវត្សរ៍ទី២១នេះ យើងទាំងអស់គ្នាសុទ្ធតែដឹងថា ខ្ញីជួយសម្រួលដល់សីតុណ្ហភាពចរន្ដឈាម និងជំនួយកាមតម្រេក។
ពេលនេះលោកអ្នកដឹងថា មនុស្សត្រូវការអ្វីដើម្បីបង្កើនអារម្មណ៍ និងថាមពលរាងកាយឲ្យឆ្ពោះទៅកាន់ចំណុចកំពូល។ ដូច្នេះលោកអ្នកគ្រាន់តែដើរទៅផ្សារណាស្វែងរកទិញចំណីអាហារដ៏សាមញ្ញទាំងនេះដើម្បីស្រូបយកជីវជាតិល្អៗពីវាមកធ្វើឲ្យជីវិតផ្លូវភេទកាន់តែប្រសើរ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម