ការប្រជែងនៅសេតវិមានកាន់តែក្តៅ ដោយសារអ្នកបោះឆ្នោតជនជាតិអាមេរិកាំងជាច្រើន បានដើរក្បួនគាំទ្ររាល់ការបោះឆ្នោត និងប្រកាន់ជំហរឲ្យរាប់សន្លឹកឆ្នោត ដើម្បីធានាថាបំណងប្រាថ្នារបស់ពួកគេត្រូវបានបំពេញ ។

ភាពតានតឹងបានគ្របដណ្តប់លើការបោះឆ្នោតអាមេរិកឆ្នាំ ២០២០ នេះ ដោយសាររដ្ឋមួយចំនួនបានបញ្ចប់ការរាប់សន្លឹកឆ្នោតរួចហើយ ប៉ុន្តែប្រទេសខ្លះកំពុងបន្តដំណើរការដោយសារការកើនឡើងនៃចំនួនសម្លេងដែលបានផ្ញើមកវិញ ។ មិនយូរប៉ុន្មានក៏ជាកំណត់ត្រាខ្ពស់បើប្រៀបធៀបទៅនឹងរដូវកាលបោះឆ្នោតមុនៗ ។ នៅក្នុងរូបថត៖ ពាក្យស្លោក«រាប់សន្លឹកឆ្នោតទាំងអស់» ត្រូវបានអ្នកពាក់របាំងមុខកាន់ចូលរួមក្នុងការហែក្បួននៅទីក្រុង Manhattan រដ្ឋញូវយ៉ក កាលពីថ្ងៃទី ៤ ខែវិច្ឆិកា។

នៅសហរដ្ឋអាមេរិកមានការបញ្ចេញមតិចម្រុះទាក់ទងនឹងការរាប់សន្លឹកឆ្នោត យុទ្ធនាការឃោសនាបោះឆ្នោតរបស់គណបក្សសាធារណរដ្ឋ ក៏ដូចប្រធានាធិបតីអាមេរិក ដូណាល់ ត្រាំ បានអះអាងថា រាល់ការបោះឆ្នោតដែលត្រូវបានរាប់បន្ទាប់ពីការបោះឆ្នោតថ្ងៃទី ៣ ខែវិច្ឆិកា គឺខុសច្បាប់។

ទន្ទឹមនឹងនេះដែរ អ្នកប្រជាធិបតេយ្យ និងបេក្ខជន ចូ បៃដេន (Joe Biden) កំពុងអំពាវនាវឲ្យជនជាតិអាមេរិកមានភាពអត់ធ្មត់ដើម្បី«អាចរាប់សន្លឹកឆ្នោតបាន» ។ ជនជាតិអាមេរិកជាច្រើនបានធ្វើដំណើរតាមផ្លូវបន្ទាប់ពីថ្ងៃបោះឆ្នោតដើម្បីបង្ហាញការគាំទ្ររបស់ពួកគេចំពោះសារនេះដោយពាក្យស្លោកថា«រាល់សន្លឹកឆ្នោតត្រូវតែរាប់» ។

នៅថ្ងៃបោះឆ្នោត ៣-ខែវិច្ឆកា គុណសម្បត្តិបានផ្អៀងទៅរកលោក ត្រាំ ស្ថិតក្នុងសមរភូមិមួយចំនួន ។ ទោះយ៉ាងណានៅពេលដែលរដ្ឋទាំងនេះនៅតែបន្តរាប់សន្លឹកឆ្នោត ភាពលេចធ្លោនៅតាមរដ្ឋមួយចំនួនជាប់នឹងលោក បៃដេន ដែល ធ្វើឲ្យមានការសង្ស័យពីសំណាក់សាធារណជនអំពីការបន្លំ ។ យុទ្ធនាការរបស់លោក ត្រាំ បានប្តឹងទាមទារឱ្យរដ្ឋនានាបញ្ឈប់ការរាប់សន្លឹកឆ្នោតរហូតដល់ដំណើរការរាប់សន្លឹកឆ្នោតមានតម្លាភាពហើយគណបក្សសាធារណរដ្ឋអាចធានាថារាល់ការរាប់សន្លឹកឆ្នោតត្រូវបានធ្វើឡើងស្របតាមច្បាប់។

អ្នកគាំទ្ររបស់លោក បៃដេន បានបង្ហាញពីការពេញចិត្តក្នុងការរង់ចាំរដ្ឋនានា ដើម្បីបញ្ចប់ការរាប់សន្លឹកឆ្នោត ធានារាល់ចំនួនអ្នកបោះឆ្នោតទាំងអស់ ។ បច្ចុប្បន្ននេះលោក បៃដិន កំពុងធ្វើល្អជាងលោក ត្រាំ ទាំងសំឡេងគាំទ្រ និងការបោះឆ្នោត តែទោះយ៉ាងណា ស្ថានភាពប្រកួតប្រជែងនៅក្នុងរដ្ឋសមរភូមិនៅតែតានតឹង ។ នៅក្នុងរូបថត៖ ប្រជាជនចូលរួមបាតុកម្មគាំទ្រលទ្ធិប្រជាធិបតេយ្យ និងទាមទារអោយគេរាប់សន្លឹកឆ្នោតទាំងអស់នៅ Oakland រដ្ឋ California នៅថ្ងៃទី ៤ ខែវិច្ឆិកា ៕

បកប្រែពីវេបសាយបរទេស

ដោយ សុកាន