ប្រឡាយរំដោះទឹកប្រវែង៣០០មែត្រ ត្រូវបានស្ដារជូនប្រជាពលរដ្ឋក្នុងសង្កាត់បារាយណ៍
ខេត្តតាកែវ៖ នៅព្រឹកថ្ងៃទី២០ខែកក្កដាឆ្នាំ២០២៤ លោក ម៉ូវ ឡេង ក្រុមព្រឹក្សាសង្កាត់បារាយណ៍ក្រុងដូនកែវ ខេត្តតាកែវ បានស្នើគ្រឿងចក្រខ្នាតតូច មកកាយស្ដារប្រឡាយបង្ហូររំដោះទឹកជាប់និងផ្លូវកៅស៊ូប្រវែង៣០០មែត្រ ពីភូមិដូនពែងមកទល់និងលូររំដោះទឹកភូមិក្រាំងតាពូងរួចរាល់ជាស្ថាពរ ។
ដោយមានការសមាសភាពចូលរួមលោក តា ទឹក មេភូមិដូនពែងនិងលោក ហង្ស វ៉ៃ មេភូមិ។ក្រាំងតាពូង ព្រមទាំងប្រជាការពារភូមិផងដែរ។
សូមបញ្ជាក់ថា៖ ទីតាំងខាងលើកន្លងមកតែងតែមានការដកទឹកលើផ្លូវ ធ្វើអោយបងប្អូនប្រជាពលរដ្ឋពិបាកក្នុងការធ្វើដំណើរ ចេញចូលតាមផ្លូវនេះនាពេលកន្លងមក។
ដោយរដូវវស្សាចូលមករួមទាំងមានភ្លៀងធ្លាក់ជារៀងរាល់ថ្ងៃ លោក ម៉ូវ ឡេង ក្រុមព្រឹក្សាសង្កាត់បារាយណ៍ ជួយសម្រួលក្នុងការស្ដារប្រឡាយបង្ហូ រំដោះទឹកជូនប្រជាពលរដ្ឋ ដើម្បីឲ្យពួកគាត់ងាយស្រួលក្នុងការធ្វើដំណើរឆ្លងកាត់ផ្លូវនេះ។
លោក ម៉ូវ ឡេង បានសុំណូមពរដល់បងប្អូនប្រជាណលរដ្ឋដែលធ្វើដំណើរនិងប្រជាពលរដ្ឋដែលមានសំនៅដ្ឋានជាប់ បណ្ដោយប្រឡាយបង្ហូ រំដោះទឹកទាំងអស់គ្នា សូមចូលរួមសំអាត និងវិចខ្ចប់កាកសំណល់ផ្សេងៗ ទុកដាក់អោយបានត្រឹមត្រូវដើម្បីចូលរួមរក្សាអនាម័យបរិស្ថានស្អាត ទីក្រុងល្អ។