ពិធីប្រកាសតែងតាំងមុខតំណែង ស្នងការនៃស្នងការដ្ឋាននគរបាលខេត្ត បាត់ដំបង និងបំពាក់ឋានន្តរស័ក្តិ នាយនគរបាលថ្នាក់ឧត្តមសេនីយ៍....!

បាត់ដំបង : លោកឧត្តមសេនីយ៍ត្រី ដាញ់​ អេងប៊ុនចាន់​ ត្រូវបានប្រកាសទទួលតំណែងថ្មី​ ជាស្នងការ​នៃស្នងការដ្ឋាននគរ​បាលខេត្តបា​ត់​ដំ​បង និងដំឡេីងឋានន្តរសក្តិ​ជាឧត្តមសេនីយ៍ទោ​ជំនួសលោកឧត្តម សេ​នីយ៍ទោ​ សាត​ គឹម​សាន​ ដែលត្រូវចូលនិវត្តន៍។

ពិធីប្រកាសតែងតាំងនេះដែរបានធ្វើឡើងនាព្រឹកថ្ងៃសុក្រ ១៤ កើត ខែអាសាឍ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃសុក្រ ទី ១៩ ខែកក្កដា ឆ្នាំ២០២៤នេះ ក្រោមអធិបតីភាព ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នគរបាលជាតិ តំណាងដ៏ខ្ពង់ខ្ពស់ឯកឧត្តម​ អភិសន្តិបណ្ឌិត​ ស​ សុខា​ ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ​នឹងបានការអញ្ជើញចូលរួមពីសំណាក់
ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង។
ការប្រកាសតែងតាំងមុខតំណែង ស្នងការ នៃស្នងការដ្ឋាននគរបាលខេត្ត បាត់ដំបង នេះក៏មានការបំពាក់ឋានន្តរស័ក្តិ នាយនគរបាលថ្នាក់ឧត្តមសេនីយ៍  នៅស្នងការដ្ឋាននគរបាលខេត្តបាត់ដំបងជាច្រើនរូបផងដែរ៕
ព័ត៌មានទាន់ហេតុការណ៍ ដោយ លោក ហុីង ចាន់ថន